Transcription
1
Monseigneur, le mesme jour que j’avoys la main à la plume
2
pour vous fère entendre des novelles de çàhault et des
3
deppartementz des rebelles, je receuz par le cappitaine La
4
Varenne vos commandementz, et de mesme le pacquet de
5
monseigneur d’Ambrun. Satisfaisant au contenu de la vostre
6
à laquelle, au surplus obeyssant, je vous puys a la vérité fère
7
entendre ce que plusieurs mont rapporté pour sestre sa[u]lvez
8
des mains denviron six ou sept cens hommes harmez tant à
9
cheval que à pied, lesquelz puys le septiesme de ce moys
10
se sont gectez dans ce balliage d’Ambrunnois, continuant tous
11
actes contraires à la suspention darmes accordée jusques
12
au XVe de cedict mois ; de sorte que puys deux jours
13
en çà, ilz se sont logés à Chorges aprez que quelques
14
jours auparadvant ilz avoyent heu par composition mille
15
escus dudit lieu ; et pour encores ne se sont estendus
16
qu’à deux lieus prez de nous. Lon nous a volu asseurer
17
comme Columbin a reprimé ses premiers desseingz se treuvant
18
dans la vallée d’Engroigne, taschant par tous moyens
19
et poursuytes costumières de fère eslever et marcher soubz
20
sa conduicte ceulx quil treuvera bien disposez à sa persuasion.
21
Vous savez, monseigneur, les moyens que lon a et forces
22
pour emepcher le passaige dudit Columbin. Si ainsi est,
23
actendu que plus aisement il pourra avoir accès par
24la vallée de Quayras que [barré : st ] sur le commancement de ces
25
derniers trobles. Vray est que les montaignes et passaiges
26
ne seront si libres que lon pourra penser. Je ne perdray
27
aulcune occasion vous tenir adverty de tout ce que se pourra
28
presenter, vous suppliant, monseigneur, nous avoir en
29
general et particullier en recommandation et souvenance acostumée,
30
actendu que le suinziesme de ce moys sera bien tost
31
[157 v°] et puys que les rebelles nont heu la conservation de
32
la suspention par iceulx accordée en consideration je
33
ne povons sperer que estre pirement traictez. Lon nous
34
faict entendre quilz ont quantité deychelles, de boys
35
et cordes, lesquelles silz prethendent dresser
36
contre les murailles de la ville d’Ambrun, elles se
37
treuveront bien ferrées comme ilz disent si ne nous
38
mettons en bon debvoir dycelles ranverser avec les premiers
39
et aultres qui se presenteront. Ce pendant, monseigneur,
40
si par votre moyen lesdits rebelles ne sont divertis
41
de la ruyne quilz prethendent fère en tous cez quartiers,
42
je ne povons quesperer entière desolation du pays
43
circonvoysin. Que sera lendroict que je continueray
44
vous presenter mon très humble service, priant le Createur,
45
monseigneur, pour vostre très longue et très heureuse vye.
46
Ambrun, ce IXe febvrier 1574.
47
Votre très humble et très obeyssant
48
serviteur
49
Balthazar eme